Ushtria izraelite zbulon numrin e saktë të pengjeve në Gaza

Në një deklaratë për mediat, ushtria izraelite ka thënë se ka konfirmuar se Hamasi po mban 199 pengje në Gaza.

Pengjet u kapën të shtunën më 7 tetor kur luftëtarët e Hamasit depërtuan përmes gardhit kufitar izraelit në jug të vendit dhe sulmuan një festival muzikor dhe vendbanime të shumta duke vrarë më shumë se 1,300 persona.

Ushtria tha se të paktën 291 ushtarë izraelitë janë vrarë deri më tani në konflikt dhe përsëriti deklaratën nga zyra e kryeministrit se nuk ka armëpushim të përkohshëm në jug të Gazës.

Më herët, ministria e shëndetësisë së Gazës tha se të paktën 2,750 palestinezë janë vrarë dhe 9,700 janë plagosur në sulmet ajrore izraelite në Rripin e Gazës që pas sulmit të Hamasit.

LEXONI GJITHASHTU:

• Diplomacia në lëvizje për Gazën: Irani paralajmëron Izraelin, kërkesa e SHBA
• “Mos e pushtoni”- Nga apeli i Biden, te “ferri” në Gaza, çfarë po ndodh në Izrael
• Biden: Gabim një pushtim izraelit i Gazës, duhet rrugë drejt shtetit palestinez