Ushtria ruse do të bëhet e dyta më e madhe në botë, Putin urdhëron zgjerimin

Presidenti Vladimir Putin ka urdhëruar ushtrinë ruse të zgjerohet me 180,000 trupa, ka thënë Kremlini.

Sipas mediave të huaja, kjo do të thotë se ai përbëhet nga 1.5 milionë ushtarakë aktivë, duke u bërë i dyti në përmasa vetëm pas ushtrisë kineze.

Një rritje e tillë do të thotë se Rusia do të parakalojë Shtetet e Bashkuara dhe Indinë, sipas të dhënave nga një institut ushtarak, Instituti Ndërkombëtar për Studime Strategjike.

“Kjo është për shkak të numrit të kërcënimeve që ekzistojnë për vendin tonë përgjatë perimetrit të kufijve tanë,” u tha gazetarëve zëdhënësi i Kremlinit, Dmitry Peskov.

“Kjo është shkaktuar nga mjedisi jashtëzakonisht armiqësor në kufijtë tanë perëndimorë dhe paqëndrueshmëria në kufijtë tanë lindorë”, tha Peskov më tej.

“Kjo kërkon që të merren masat e duhura”, shtoi ai.

Është hera e tretë që Vladimir Putin zgjeron ushtrinë ruse që nga pushtimi i Ukrainës në shkurt 2022.

LEXONI GJITHASHTU:

• Pro-palestinez dhe mbështetës i Ukrainës, të fshehtat e atentatorit të Trump
• Atentati i dytë i dështuar ndaj tij, reagon për herë të parë Donald Trump