Njësitet e Forcave të Armatosura të Serbisë kanë neutralizuar një dron komercial që po lëvizte nga drejtimi i Kopaonikut në Rashkë, pas zbulimit dhe monitorimit në kohë, njoftoi Ministria e Mbrojtjes.
Siç u tha në deklaratën e ministrisë serbe, droni u rrëzua duke përdorur masat e pengesave elektronike në afërsi të objekteve ushtarake të garnizonit të Rashkës, shkruan Euronews Serbia.
“Ushtria veproi në përputhje me urdhrin e presidentit të republikës, njëherësh komandantit suprem të forcave të armatosura serbe, Aleksandar Vuçiç dhe po ndërmerr masa për të detektuar, gjurmuar dhe neutralizuar dronët në afërsi të ndërtesave ushtarake”, u tha në njoftim.
Ministria serbe theksoi se ushtria do të vazhdojë të veprojë në përputhje me urdhrin e Vuçiçit, dhe të rrëzojë të gjithë dronët që gjen në zonën e ndalim-fluturimit dhe në afërsi të ndërtesave ushtarake.
Më herët gjatë ditës së sotme, ministri i Mbrojtjes i Serbisë, Millosh Vuçeviç deklaroi se Vuçiç ka dhënë urdhrin për rritjen e gatishmërisë luftarake, pasi disa dronë kanë hyrë nga Kosova në territorin e Serbisë qendrore.
LEXONI GJITHASHTU
- ‘Dronë në kufirin Kosovë-Serbi’, reagon Beogradi, përgjigjet Prishtina
- Dronë nga Kosova vëzhguan objektet ushtarake, pretendon ministri serb
- Avionët luftarakë serbë sulmojnë dronët ‘vëzhgues’ në kufirin Serbi-Kosovë
