Ushtria serbe rrëzon një dron komercial, neutralizimi u bë me pajisje elektronike
Njësitet e Forcave të Armatosura të Serbisë kanë neutralizuar një dron komercial që po lëvizte nga drejtimi i Kopaonikut në Rashkë, pas zbulimit dhe monitorimit në kohë, njoftoi Ministria e Mbrojtjes.
Siç u tha në deklaratën e ministrisë serbe, droni u rrëzua duke përdorur masat e pengesave elektronike në afërsi të objekteve ushtarake të garnizonit të Rashkës, shkruan Euronews Serbia.
“Ushtria veproi në përputhje me urdhrin e presidentit të republikës, njëherësh komandantit suprem të forcave të armatosura serbe, Aleksandar Vuçiç dhe po ndërmerr masa për të detektuar, gjurmuar dhe neutralizuar dronët në afërsi të ndërtesave ushtarake”, u tha në njoftim.
Ministria serbe theksoi se ushtria do të vazhdojë të veprojë në përputhje me urdhrin e Vuçiçit, dhe të rrëzojë të gjithë dronët që gjen në zonën e ndalim-fluturimit dhe në afërsi të ndërtesave ushtarake.
Më herët gjatë ditës së sotme, ministri i Mbrojtjes i Serbisë, Millosh Vuçeviç deklaroi se Vuçiç ka dhënë urdhrin për rritjen e gatishmërisë luftarake, pasi disa dronë kanë hyrë nga Kosova në territorin e Serbisë qendrore.
LEXONI GJITHASHTU
Kryefaqja
Kosovë, aksident i rëndë në Istog, dy të vdekur dhe 3 të plagosur
Refuzohet kërkesa e pesë prokurorëve serbë për t’u rikthyer në Prokurorinë e Mitrovicës së Veriut
Organizatat evropiane: Liria e medias në Kosovë është përkeqësuar
- 22:30 761 euro për person, sa para lë një turist në Shqipëri? Shifrat nga “Data Centrum”
- 22:24 Sondazhi zbulon nga vijnë turistët e huaj në Shqipëri, cili shtet kryeson listën
- 22:19 Pse po zgjedhin Shqipërinë turistët? Drejtoresha e “Data Centrum” zbulon arsyet
- 22:15 As Saranda, as Ksamili! Zbulohet vendi më i vizituar nga turistët në Shqipëri
- 21:48 Plagosja e tre personave në Elbasan, policia jep detajet dhe emrat: Oficeri ndoqi autorin
- 21:47 Këlcyrë, banori shpëton turisten e huaj 10-vjeçare nga mbytja në lumë