Vajza vrau babain në Durrës, flet krushku: Ajo s’mbyste dot një pulë

Vrasja e 50-vjeçarit, Pëllumb Meta, nga e bija e tij 19-vjeçare, Hygerta Meta, ka tronditur opinionin publik në qytetin e Durrësit.

Në një prononcim për media, krushku i të ndjerit, djali i të cilit është martuar me motrën e autores, deklaroi se është e pabesueshme që 19-vjeçarja ta ketë kryer këtë krim.

Ai shtoi se vajza është një student në Tiranë, e edukuar dhe shumë e mirë në dukje.

Sipas tij 19-vjeçarja nuk mund të mbysë dot një pulë dhe jo më që të kryej  një vrasje të tillë dhe të groposë trupin.

“Me origjinë është nga fshati Shën Mëri i Krujës, janë vendosur këtu, kanë shumë vite. Ka qenë një familje e mirë, vetë viktima ka qenë shumë i mirë. Punonte roje në një varrezë makinash, te tregu i makinave. Ai ka 2 çuna dhe dy vajza, një nga vajzat e ka djali im. Ne i njohim si një familje shumë të mirë. S’kemi dijeni për konfliktete që kanë pasur në shtëpi. Për zhdukjen kemi dy javë që e kemi marrë vesh, na thanë nuk është kthyer në shtëpi. Më vonë kemi marrë vesh që është gjetur makina te Parku Rinia ndërsa sot na njoftuan për atë që kishte ndodhur. Ajo vajza nuk mbyt dot një pulë dhe jo të vrasë një njeri. Nuk di çfarë të them, pasi janë çështje të brendshme. Ka qenë studente, vajzë e mirë e respektuar dhe nuk të shkon ndërmend që ajo mund ta ketë bërë këtë. Nuk kemi asnjë informacion që kanë pasur konflikt se vajza do të fejohej”, tha krushku.

LEXONI GJITHASHTU:

• FOTO| Kush është 49-vjeçari që u vra dhe u gropos nga vajza e tij në Durrës
• E rëndë në Durrës/ Vajza vret babain dhe e gropos në oborrin e shtëpisë