Vasseur i befasuar nga fitorja e Sainz në Australi

Team Principal Vasseur u shpreh i befasuar nga fitorja fantastike e Carlos Sainz në Australi. Pas mungesës në Jeddah, Sainz kaloi 2 javë duke u fokusuar në rekuperimin nga operacioni përpara se të rikthehej për provat e lira në Albert Park.

Megjithëse ishte gati për të garuar, përgatitjet e tij u kompromentuan nga ndërprerja e stërvitjes dhe mungesa në simulatorin e Ferrarit. E pavarësisht kësaj, ai ja doli të linte pas Charles Leclerc në kualifikuese dhe të dominonte garën pas largimit të Max Verstappen.

“Dimrin e vitit të kaluar ramë dakort që të japim maksimumin deri xhiron e fundit të sezonit dhe ai bëri një punë fantastike në Australi, pa harruar podin në Bahrain. Nuk duhet të harrojmë kohën që iu desh të rekuperohej pas operacionit dhe mendoj se ai nuk është endë në 100 % të formës së tij”, përfundoi Vasseur.

LEXONI GJITHASHTU:

• 2024 mund të jetë viti i fundit për Ricciardo-n në Formula 1
• Nga futbolli në Formula 1, Gasly investon te FC Versaille