Vata: 59% e fëmijëve kanë pësuar njëherë të vetme në jetë abuzim fizik

Mirgit Vata, nga Urdhri i Punonjësve Socialë në Shqipëri thotë se 59% e fëmijëve kanë pësuar njëherë të vetme në jetë abuzim fizik.

Në emisionin ‘Sot’ në Euronews Albania, ku një nënë ka denoncuar abuzimin seksual me fëmijën e saj në jetimoren e Sarandës, ai u shpreh se zgjidhja më e mirë nuk janë institucionet rezidenciale ku shumë shpesh ka pasur denoncime për dhunë ndaj fëmijëve, por kujdestaria alternative, që mund t’i sigurojë fëmijë një strehë më familjare.

“Sipas një studimi të 2013, 59% e fëmijëve kanë pësuar njëherë të vetme në jetë abuzim fizik. Kur kjo ndodh në shumicën e kohës brenda familjes nuk mund të përjashtohen institucionet. S’jam shumë pro institucioneve rezidenciale, ka pasur një plan për të shkuar te kujdestaria alternative që t’i japësh një ambient më të ngrohtë fëmijëve, që të ndihen më të sigurt”, tha Vata.

Sipas tij dhuna e denoncuar ndaj fëmijëve në jetimoren e Sarandës është e rëndë ata që e kanë bërë këtë vepër penale duhet të jenë para ligjit.

LEXONI GJITHASHTU:

• Abuzim seksual në jetimoren e Sarandës, nëna: Denoncova rastin
• Dhuna në jetimoren e Sarandës, e mitura: Edukatorja më goditi me shkop