Vazhdon protesta e “Trafikut Urban” në Prishtinë, bllokohet rruga me autobusët

Në Prishtinë edhe këtë të martë po vijojnë protestat nga  punonjësit e “Trafikut Urban” dhe operatorëve privatë. Protestuesit kanë bllokuar qarkullimin duke vendosur urbanët në rrugë. Kjo ka sjellë edhe debate mes protestuesve dhe policisë së Kosovës të cilët iu kanë kërkuar të lirojnë rrugën.

Protestuesit kanë vijuar të këmbëngulim se nuk do të lëviz asnjë nga autobusët që është vendosur në rrugën “Agim Ramadani” pa përfunduar protesta.

“Asnjë nuk lëvizim pa u kry protesta, as nuk jemi për drogë e as për vjedhje por për protestë. Të shohim, sekretari ka e dhënë deklaratën, atëherë i largojnë, nesër fillojnë edhe më gjerë. Ne jemi në të drejtën dhe vendin tonë,” tha një protestues.

Punëtorët e “Trafikut Urban” dhe ata të operatorëve privatë nga e hëna kanë ndërprerë qarkullimin në Prishtinë pasi ata prej muajsh nuk janë paguar.

Ata të hënën fillimisht shkuan te Komuna e Prishtinës e më pas bashkë me kryetarin Përparim Rama u vendosen te objekti i Qeverisë. Edhe pas takimit me ministrin në detyrë të Financave, Hekuran Murati ata nuk gjetën një zgjidhje.

LEXONI GJITHASHTU:

• Ish-komisionerja e BE-së: Evropa duhet të mbaj premtimet për rregullat dixhitale
• Shtyhet seanca për dosjen “Partizani”, shkak mungesa e dy avokatëve të të pandehurve