Vdekja e dyshimtë e burrit të eurodeputetes italiane, pikëpyetjet mbi ngjarjen

Eurodeputetja italiane Francesca Donato pretendon se burri i saj është vrarë.

Ajo e gjeti bashkëshortin të vdekur ditën e shtunë, në makinën e tij pranë autostradës që lidh Palermon dhe Mazara del Vallo, duke përdorur GPS-in e telefonit. Kalimtarët që kaluan njoftuan policinë pasi dëgjuan britmat e Francescas dhe të së bijës.

Megjithëse autoritetet vazhdojnë të hetojnë vdekjen e Angelo Onorato, Francesca Donato është e sigurt që bashkëshorti i saj është vrarë. Vajza e tyre u bëri jehonë fjalëve të deputetes, ku shkroi në një postim në rrjete sociale: “Askush nuk guxon të thotë apo as të mendojë se babai im kreu vetëvrasje”. “Ata e vranë atë”, shtoi ajo.

Pamjet e kamerave nga rruga janë konsideruar të papërdorshme pasi makina ishte parkuar përtej rrezes së tyre, dhe analiza e pamjeve nuk tregoi se asnjë automjet ose person iu afrua automjetit të parkuar. Megjithatë, autoritetet nuk mund të përcaktojnë akoma nëse dikush tjetër ishte në makinë me Onoraton apo nëse personi mund të ishte larguar nga vendi i ngjarjes pa u parë nga kamerat e vëzhgimit.

LEXONI GJITHASHTU:

• Bashkëshorti i eurodeputetes italiane gjendet i mbytur me shirit brenda Range Rover
• “Nëse më ndodh diçka…”- Letra që la burri i eurodeputetes italiane para vdekjes