Vdekja e Papa Françeskut, reagon presidenti amerikan Donald Trump

21 Prill 2025 | 14:30

Donald Trump ka reaguar në lidhje me vdekjen e Papa Françeskut. Ai shprehu ngushëllimet e tij përmes një mesazhi të shkurtër në platformën “Truth Social”.

“Pusho në paqe Papa Françesku! Zoti e bekoftë atë dhe të gjithë ata që e deshën!” – shkroi Trump.

Në një postim në platformën X, Shtëpia e Bardhë ndau një fotografi të takimit mes Papës dhe ish-presidentit Trump me mesazhin: “Pusho në paqe, Papa Françesku.”

Zëvendëspresidenti amerikan JD Vance, i cili kishte zhvilluar një takim privat me Atin e Shenjtë vetëm një ditë para vdekjes së tij, u shpreh:

“Zemra ime është me miliona të krishterë në mbarë botën që e donin atë.”

Presidenti rus Vladimir Putin e përshkroi Papën si një “mbrojtës të vlerave më të larta të humanizmit”, ndërsa presidenti ukrainas Volodymyr Zelensky theksoi rolin e tij në përhapjen e shpresës dhe përpjekjet për paqe.

“Ai dinte të jepte shpresë dhe të lehtësonte vuajtjen përmes lutjes,” – shkroi Zelensky.

Papa Françesku ndërroi jetë në moshën 88-vjeçare, pas një periudhe të gjatë problemesh shëndetësore me mushkritë.

Gjatë papatit të tij, ai u dallua për thjeshtësinë, përkushtimin ndaj të varfërve dhe angazhimin e pandërprerë për paqen dhe drejtësinë sociale.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Numri i personave të raportuar të zhdukur pas tërmeteve shkatërrues në Venezuelë i kalon 25 mijë

Më shumë se 25,000 persona janë raportuar të zhdukur në Venezuelë pas tërmeteve shkatërruese që goditën vendin, sipas një faqeje interneti për raportimin e personave...
18:24 | 25/06/2026

Portugalia gati të dërgojë 50 ekipe shpëtimi në Venezuelë pas tërmetit të fuqishëm vdekjeprurës

Portugalia është gati të dërgojë një mision ndihme emergjente prej 50 shpëtimtarësh në Venezuelë, njoftoi sot Ministri i Jashtëm Paulo Rangel, pas tërmetit të fuqishëm vdekjeprurës që goditi vendin e Amerikës Latine. “Ekziston një...
17:58 | 25/06/2026

Kina kundërshton sanksionet e reja të SHBA-së ndaj Kubës

Kina ka përsëritur thirrjen e saj që Shtetet e Bashkuara të heqin sanksionet dhe embargon afatgjatë ndaj Kubës, pas vendimit të Uashingtonit për të vendosur...
17:11 | 25/06/2026