Vdekja e Presidentit të Iranit, eksperti: Raisi ishte 1 nga 2 pretendentët për të…

Eksperti i Sigurisë, Avenir Peka, është shprehur se vdekja e Presidentit të Iranit, Ebrahim Raisit, mund të jetë edhe një akt i organizuar.

Komentet Peka i bëri në emisionin “Now me Erla Mëhillin” në Euronews Albania, ku tha se posti i Presidentit nuk ka ndonjë peshë të madhe në Iran, por Ebrahim Raisi, ishte edhe një nga dy kandidatët për të marrë rolin e liderit suprem të Iranit, Ajatollah Khomeinit.

Kjo e fundit sipas tij mund të ketë qenë edhe një arsye për organizimin e vrasjes së tij.

“Në sistemin politik të Iranit qendra e pushtetit nuk është te Presidenti, por te lideri suprem Ajatollahu. Nga ata që ishin në helikopter ministri i Jashtëm ishte edhe më i rëndësishëm, sepse mbahej si një ndër profesionistët më të mirë iranian.

Ka kryer këto tre vitet e fundit një diplomaci aktive. Sidomos me Indinë për afrimin e dy vendeve.

Në këtë aspekt e gjithë fabula apo pasojat e këtij aksidenti, më shumë sesa fakti që është President dhe pasojat e humbjes së presidentit, lidhet me faktin që ishte një nga dy pretendentët kryesorë për të zëvendësuar Ajatollahun që është 85 vjeç dhe i sëmurë”, tha Peka.

LEXONI GJITHASHTU:

• Funerali i Raisit, iranianët vajtojnë presidentin: Na bëri krenar, poshtëroi armiqtë
• Vdekja e presidentit Raisi, Shtuni zbardh detaje: Pse Irani kërkoi ndihmë nga SHBA