Vdes në mënyrë misterioze ylli i baletit rus Vladimir Shklyarov, vijojnë hetimet

Artisti i njohur i baletit rus, Vladimir Shklyarov ka vdekur në një incident të dyshimtë te një ndërtese, duke u rrëzuar nga kati i pestë i saj. Sipas agjencisë ruse të lajmeve RIA Novosti, edhe pse një hetim federal ka nisur për incidentin, ‘sipas dyshimeve paraprake’ vdekja mendohet të ketë qenë aksidentale. Vladimir Shklyarov u nda nga jeta në moshën 39-vjeçare.

Zëdhënësja e Teatri Mariinsky, Anna Kasatkina, tha se Shklyarov po merrte qetësues për një dëmtim të shpinës dhe ishte planifikuar të operohej në shtyllën kurrizore të hënën. Në deklaratë thuhej: “Kalerini kryesor i Teatrit Mariinsky dhe i preferuari i publikut Vladimir Shklyarov ndërroi jetë tragjikisht.

Kjo është një humbje e madhe jo vetëm për trupën e teatrit, por për të gjithë artin e sotëm. baleti.”

I lindur në Shën Petersburg, Shklyarov studioi në akademinë prestigjoze të baletit Vaganova dhe u diplomua në 2003. Po atë vit ai u bashku me Teatrin Mariinsky të cilin e e drejton prej vitit 2011.

Në karrierën prej më shumë se dy dekada Shklyarov ka interpretuar në produksione si “Liqeni i mjellmave,” “Bukuroshja e fjetur,” “Romeo e Xhulieta” apo “Don Kishoti”, përveç përfomancave të tjera në salla në Londër ose New York.

Shklyarov le pas bashkëshorten Maria Shirinkina, gjithashtu kërcimtare në Mariinsky, dhe një djalë e një vajzë që ka me të.