Vehap Kola: Ngutje t’i kërkosh dorëheqjen Bashës, rezultati ende i pa certifikuar

Analisti Vehap Kola mban qëndrimin se nuk duhet kërkuar menjëherë largimi i Lulzim Bashës nga drejtimi i Partisë Demokratike, kur ende nuk është certifikuar rezultati i zgjedhjeve të 25 prillit.

Sipas tij zgjedhjet brenda PD-së pritet të mbahen këtë vit pasi z. Basha është në vitin e katërt të mandatit si kryetar partie.

“Do të duhet që misioni i tij është që çështjen e zgjedhjeve ta zgjidhë pavarësisht fatit personal. Të  ngutesh t’i kërkosh kaq shpejt dorëheqjen kur rezultati nuk është certifikuar. Me këtë e rast i heq të drejtën opozitës për të objeksionuar rezultatin. PD ka zgjedhje këtë vit. Është viti i katërt i mandatit të z. Basha”, u shpreh analisti.

Nga ana tjetër Erla Mëhilli thotë se z. Berisha ka lënë një standard në vitin 2013 edhe pse nuk ishte certifikuar rezultati i zgjedhjeve.