Drejtori i Sigurisë Portuale në Durrës, Alfred Velaj thotë se numri i emigrantëve të paligjshëm që kanë hyrë në vendin tonë në fillim të vitit 2022, është më i ulët krahasuar me një vit më parë.

Në emisionin “Sot” në “Euronews Albania”, Velaj deklaroi se emigrantët notojnë gjatë natës për të kapur tragetet e linjës, duke mos e ditur se çfarë mund t’i presë më pas.

“Në fillimin e këtij vitit kemi një rënie të numrit të klandestinëve, krahasuar me të njëjtën periudhë të një viti më parë. Emigrantët duke mos parë mundësi për të hyrë nëpërmjet rrugëve tokësore, notojnë drejt trageteve në orët e natës, duke mos e ditur se çfarë i pret”, tha ai.

Velaj nënvizoi se ka pasur raste kur këta klandestinë kanë humbur jetën gjatë këtyre tentativave të rrezikshme.

LEXONI GJITHASHTU

• Me not drejt Evropës, të rinjtë klandestinë shpëtohen në Portin e Durrësit

• Shpëtohen 305 klandestinë pranë brigjeve italiane, mes tyre 6 fëmijë