Veliaj kërkoi të marrë pjesë në mbledhjen e Këshillit Bashkiak, procedura që ndiqet

Pas kërkesës së bërë nga kryetari i Bashkisë së Tiranës, Erion Veliaj, për thirrjen e një mbledhjeje të jashtëzakonshme të Këshillit Bashkiak, procedura e mëtejshme kalon tashmë në duart e kryesisë së këtij institucioni.

Duke qenë se bëhet fjalë për një rast të paprecedentë, aktualisht nuk ekziston një procedurë e mirëpërcaktuar për situata të tilla. Megjithatë, sipas rregullores, të drejtën për të vendosur për rendin e ditës dhe për të përcaktuar të ftuarit në një mbledhje e ka kryesia e Këshillit Bashkiak.

Në këto kushte, i takon kryetares së Këshillit Bashkiak të Tiranës, Megi Fino, që të thërrasë kryesinë e këshillit për të shqyrtuar dhe vendosur nëse kërkesa e Veliajt do të pranohet ose jo.

Kryesia e këshillit përbëhet nga vetë kryetarja, nënkryetarët si dhe kryetarët e grupeve të këshilltarëve.