Veliaj: Në Tiranë synojmë mbi 200 mijë vota, i gjithë llumi kundër Ramës

Erion Veliaj thotë se Partia Socialiste do të dalë fituese në zgjedhjet e 25 prillit, ndërsa foli për bashkim të artificial të partive opozitare.

Ai i konsideroi mbledhje “bishtash” dhe “amorale” ndërsa përmendi bashkimin e çamëve dhe minoritarëve bashkë krah PD-së.

Z. Veliaj tha se në këtë situatë Lulzim Basha është “viktimë” pasi drejtuesit e vërtetë të opozitës janë Sali Berisha dhe Ilir Meta.

I pyetur se cilin rezultat do të cilësonte fitore dhe humbje në Tiranë më 25 prill, z. Veliaj tha se pretendimi është për të marrë një rezultat më të mirë se sa në zgjedhjet e kaluara.

“Çdo rezultat më të mirë se sa në 2017 do të përbënte një fitore, pra mbi 200 mijë vota është një objektiv i yni për të pasur një shumicë morale. I gjithë llumi janë bërë kundër Edi Ramës”, tha ai.

Në zgjedhjet parlamentare të vitit 2017, kur PS, PD dhe LSI garuan veçmas si parti pa koalicione, rezultati ishte 18 mandate për PS (200 517 vota), 11 mandate për PD (128 65 vota) dhe 5 mandate për LSI (55 894 vota).

Lexoni gjithashtu:

Kush e thyen hersin në Tiranë? Erion Veliaj zbulon emrat që dalin nga sondazhet

Erion Veliaj u përgjigjet akuzave për pastrim parash në sektorin e ndërtimit

Veliaj: Kam 6 vite që kërkoj debat me Bashën për bilancin e Bashkisë së Tiranës