Veliaj për Luiza Gegën: S’ka luajtur sportin e sharjes së vendit

Kryebashkiaku i Tiranës, Erion Veliaj teksa është shprehur krenar për arritjet e kampiones Luiza Gega tha se kjo e fundit asnjëherë s’ka luajtur ‘sportin’ e sharjes së vendit.

Në fjalën e tij nga Kryeministria, Veliaj tha se një kampion i vërtetë fiton kur i ka sytë te finishi. Ai nënvizoi se ndihet krenar që tashmë Gega është anëtare e Sport Klub Tirana.

Në ambitentet e Kryeministrisë po zhvillohet ceremonia për nder të Luiza Gegës, e cila u shpall kampione e Europës në garën 3000 metra me pengesa në Gjermani.

E veshur me ngjyrat kuqezi, Luiza Gega parakaloi me një automjet tip ‘Kadillak’ përgjatë bulevardit në drejtim të Kryeministrisë, ku u prit me brohorima dhe entuziazëm nga njerëz të shumë që kishin dalë për ta përshëndetur.

Gega fitoi medaljen e artë duke shënuar kohën 9’11”31, në një garë që e dominoi nga fillimi e deri në fund. Një rezultat i jashtëzakonshëm për Gegën dhe atletikën shqiptare, e cila ngjitet në majën e Europës.

LEXONI GJITHASHTU:

• Fidel Ylli thirrje Ramës: Nxirrini nga errësira kompanitë e basteve që po gëlojnë
• Përlotet Evis Kushi: Luzia Gega do të gëzojë gradën kolonel
• Rama: Arritja e Luiza Gegës të lë pa fjalë, sot jemi para Gjermanisë