Ndërsa vijon seanca në Gjykatën Kushtetuese, në një nga pyetjet që i bëri përfaqësuesve të kryeministrisë, Erion Veliaj solli shembullin e kryetarit të Bashkisë së Rrogozhinës.
Ai tha se kryetari i kësaj bashkie u dënua, por vijon të jetë në detyrë, ndërsa në rastin e tij, është në burg, pa një vendim përfundimtar, duke theksuar se po veprohet me dy standarde.
“Kryetari i Bashkisë së Rrogozhinës është dënuar me një vit burg dhe vazhdon të kryejë detyrën. Unë jam i pafajshëm, i paraburgosur dhe largohem nga detyra. Këshillë për të ardhmen: është më mirë të bësh një krim dhe, sa kohë vijon burgu, gjithçka është mirë, apo mos të bësh asnjë krim dhe, në ruajtjen e pafajësisë tënde, të paraburgosesh? Kush prevalon? S’ka një vendim të formës së prerë. Kemi standard të dyfishtë. Për dikë të pandehur aplikohet krimi, për dikë të dënuar duhet të presim vendimin përfundimtar,” tha Veliaj.
