Veliaj: Tirana mes 10 kryeqyteteve të Evropës me mbulimin më të madh urban me pemë

Kryetari i Bashkisë së Tiranës Erion Veliaj përmes një postimi në llogarinë e tij në Facebook ka bërë të ditur se Tirana është listuar në top 10-shen e kryeqyteteve të Evropës me mbulimin më të madh urban me pemë, duke lënë pas Athinën, Beogradin, Brukselin e shumë qytete të tjera.

Sipas Veliajt, kjo është edhe një përgjigje për të gjithë ata të cilët djegin goma duke ndotur mjedisin e Tiranës.

“Hidhi një sy këtij grafiku për të mësuar se si Tirana listohet në top 10-shen e kryeqyteteve të Europës me mbulimin më të madh urban me pemë, duke lënë pas Athinën, Beogradin, Brukselin e plot qytete të tjera. Një arritje e jashtëzakonshme për gjithë punën e bërë në këto vite, me mbjelljen e pemëve të reja, si e vetmja mënyrë për të përmirësuar jetën e fëmijëve dhe të gjithëve. Është edhe një përgjigje për shpotitjet e atyre që, çudi si nuk lodhen së djeguri goma duke ndotur mjedisin në qendër të Tiranës, por mazallah se kapin një lopatë me dorë!” shprehet Veliaj.