Vendet e BE bien dakord për rregulla të reja menaxhimin e krizave të migracionit

Marrëveshja për të ashtuquajturën Rregullore të Krizës u vulos gjatë një takimi të ambasadorëve në Bruksel, të cilët kishin për detyrë të përfundonin punën që ministrat e brendshëm nuk arritën të përfundonin javën e kaluar kur Italia bllokoi papritur draft tekstin.

Italia kundërshtoi një pjesë të vogël të legjislacionit të përqendruar në shërbimet e kërkim-shpëtimit të ofruara nga anijet e OJQ-ve në Detin Mesdhe, të cilat Roma e konsideron një “faktor tërheqës” që tërheq më shumë emigrantë në brigjet evropiane.

Gjermania, vota e së cilës ishte e nevojshme për të arritur shumicën e cilësuar të kërkuar, mbrojti anijet e OJQ-ve, duke argumentuar se shpëtimi i jetëve në det është një detyrë ligjore, humanitare dhe morale.

Zyrtarët italianë kishin kritikuar më parë qeverinë gjermane për sigurimin e fondeve shtetërore për këto OJQ.

Përplasja midis Romës dhe Berlinit pengoi përpjekjen e javës së kaluar për të arritur një marrëveshje, pavarësisht shpresave të ngritura nga një tekst i ri kompromisi i paraqitur nga Spanja, vendi që aktualisht mban presidencën e rradhës të Këshillit të BE-së.
Pas konsultimeve me qeveritë e tyre kombëtare, ambasadorët arritën të thyejnë ngërçin herët pasdite të së mërkurës.

Hungaria dhe Polonia, dy kundërshtarët kryesorë të reformës së migracionit të BE-së, votuan kundër tekstit ndërsa Austria, Republika Çeke dhe Sllovakia abstenuan, thanë burime diplomatike për Euroneës.

LEXONI GJITHASHTU: 

• Pajtimi i politikës për Kosovën, Bardhi dhe Çuçi flasin për rezolutën e përbashkët
• KQZ i jep mandatin kryetarit të Bashkisë Kukës, Albert Halilaj