Vendimet e qeverisë, Rama: Rritje pensionesh e dyfishim të ndihmës sociale

Kryeministri Edi Rama deklaroi pas mbledhjes së Këshillit të Ministrave, se do të ketë rritje të pensioneve.

Në një deklaratë për mediat, kreu i qeverisë theksoi po ashtu se është vendosur dyfishim i ndihmës sociale, për gratë që kanë dy fëmijë dhe për të moshuarit që janë në kategori të ndihmës ekonomike.

“E njëtja gjë do të ndodhë me pensionet që janë të indeksuar dhe kemi një rritje prej 1/5% në raport me pensionin e një viti më parë dhe kjo gjë do të materializohet me pensionet e radhës. E njëjtja gjë do të ndodhë me familjet ekonomike që kanë një rritje prej 10%. Gratë me dy fëmijë do u dyfishohet rritja ekonomike. Po ashtu për të moshuarit që janë në kategori të ndihmës ekonomike bëhet, bëhet dyfish.

Rama theksoi se do të bëhet indeksimi për personat me aftësi të kufizuar. Sipas tij këto masa janë marrë për të mbrojtur qytetarët nga inflacioni.

“Kjo bëhet për të mbrojtur qytetarët tanë për t’i mbrojtur nga inflacioni. Ajo që qeveria do të bëjë është se siç kemi bërë në rastin e tërmetit dhe pandemisë, do të bëjmë dhe në këtë krizë të tretë që është e përbotshme”- theksoi numri një i qeverisë.

LEXONI GJITHASHTU: 

• Rama: Policia nuk i ka provat e nevojshme për Ervis Martinajn
• Qeveria merr vendim për rritje pagash, kategoritë që përfitojnë