Drejtori i Zyrës për Kosovën në Qeverinë e Serbisë, Petar Petkoviç deklaroi se vendimi i kryeministrit të Kosovës, Albin Kurti, për riregjistrimin e makinave me targa serbe në RKS – Republika e Kosovës – ka qenë joligjor dhe i dhunshëm.
Sipas tij, qëllimi i tij kryesor është “shtypja” e ekzistencës së serbëve në Kosovë, shkruan RTS (Radio Televizioni Serb).
“Kurti ka marrë vendim joligjor që serbët, të cilët kanë makina me targat KM (Mitrovicë e Kosovës), duhet të riregjistrohen në RKS, të cilat janë në kundërshtim me të gjitha marrëveshjet që janë nënshkruar deri më tani”, theksoi ai.
Më 28 tetor, kryeministri i Kosovës, Albin Kurti ka prezantuar planin – që pritet të zgjasë deri më 21 prill – për targat e makinave që lëshohen nga autoritetet serbe në qytetet e Kosovës.
Sipas planit, të gjithë pronarët që kanë makina me këto targa do të marrin paralajmërime nga 1 nëntori dhe kjo masë do të vazhdojë për tri javë – deri më 21 nëntor.
LEXONI GJITHASHTU
- Pas 21 nëntorit gjobë 150 euro për targat serbe, Policia e Kosovës sqaron procedurën
- Zgjedhjet lokale, emrat e kandidatëve të mundshëm për primaret e PD-së
- 150 euro gjobë për targat, gazetari: Mund të ketë përshkallëzim të situatës
