Autoritetet venezueliane njoftuan sot se kanë liruar 103 persona që u arrestuan pas protestave antiqeveritare në lidhje me zgjedhjet e diskutueshme presidenciale të mbajtura në korrik.
- Advertisement -
Presidenti Nicolas Maduro u shpall fitues, pas së cilës shpërthyen protesta masive në rrugë nga mbështetësit e opozitës, të cilët kundërshtuan fitoren e tij, raportoi “Reuters”.
Maduro njoftoi se rreth 2000 njerëz u arrestuan gjatë protestave.
Muajin e kaluar, Zyra e Prokurorit të Venezuelës njoftoi se 225 persona ishin përfshirë në “masat e lirimit”, por se shumica e tyre duhej të paraqiteshin në gjykatë çdo 30 ditë.
