Vera Ora rrëfen vështirësitë në Britaninë e Madhe: Asokohe isha sipërfaqësore

Në një intervistë ekskluzive për “SOT” në Euronews Albania, Vera Ora ka treguar se ka qenë aspak e lehtë të emigronte në Britaninë e Madhe.

Ajo rrëfeu se bashkë me fëmijët e vegjël u nis me të shoqin në një kohë problematike në Kosovë. Vendimi u mor shumë lehtë, sipas Orës, sepse dhe mosha e saj e re bënte që vendimet të merreshin pa u menduar shumë thellë, disi më sipërfaqësore.

Psikiatrja tregoi se fillimisht kishte vështirësi me gjuhën dhe nga një mjeke profesioniste në Kosovë, kur shkoi atje ishte “asgjë”.

Sidoqoftë, Vera Ora tha se ajo kohë që në një moment i ka ushtruar presion duke e konsideruar si “kohë të humbur kot”, sot e quan një kohë cilësore pasi ka mundur ta shfrytëzojë me fëmijët.

Sipas saj komunikimi me familjen është ndër shtyllat kryesore që e ka ndihmuar mbarëvajtjen e marrëdhënieve.

LEXONI GJITHASHTU:

• Vera Ora: Të rrisim ndërgjegjësimin, rininë e kemi të bukur
• Ekskluzive| Vera Ora tregon si u ndje pas koncertit të Ritës