Vera sjell fluks virozash tek fëmijët, mjekët: Bëni kujdes nga temperaturat e larta

Stina e verës dhe temperaturat e larta kanë shtuar numrin e pacientëve në dyert e mjekëve pediatër. Më të prekur janë fëmijët nën 5 vjeç, ndërsa problematikat janë të shumta.

“Ka shtim të rasteve sidomos te fëmijët e çerdheve dhe te kopshtet”,-tha Sonila Brati, mjeke pediatje.

Jo të pakta janë rastet që mjekët trajtojnë on call, ose i orientojnë në qendrat verore.

“Ajo që ne vëmë re në fakt këto ditë janë temperaturat shumë të larta, predominojnë infeksionet e rrugëve sipër respiratorë, bajamet e qelbëzuara janë një nga problematikat që ne në fakt i hasim edhe në periudhën e dimrit por edhe në të verës. Gjithashtu ka pasur raste me të vjedha, diarre”,-tha mjekja.

Por kur vendi pritet të përfshihet nga një valë e të nxehtit afrikan, mjekja apelon për kujdes të shtuar, e këtë herë jo vetëm për fëmijët.

Në ditët e nxehta, mjekët rekomandojnë të shmangen daljet në orët e pikut, e ndërsa kërkojnë që të përdoren veshje të lehta dhe përdorim i kremrave me faktorë mbrojtës gjatë ekspozimit në diell.

LEXONI GJITHASHTU:

• Temperatura mbi 40 gradë, parashikimi i motit për javën
• Dy të vdekur, tre në gjendje të rëndë nga temperaturat e larta në Qipro