Verdhëza është një nga simptomat e hepatitit, thotë drejtoresha e ISHP

Verdhëza është një nga simptomat e hepatitit akut që prek moshat pediatrike dhe po qarkullon aktualisht nw disa vende, tha drejtoresha e ISHP-së,  Eugena Tomini.

Në emisionin ‘Sot’, në Euronews Albania Tomini tha se në vendin tonw janw dy lloje survejancash, sindromike dhe ajo e bazuar në diagnozë, duke shtuar se sindroma më e raportuar është verdhëza.

“Pas një komunikimi nga Organizata Botërore mbi evidentimin e rasteve të hepatitit kishte një zgjerim deri në 169 raste të cilat kanë ngritur në alert sistemin e survejancës”, tha Tomini.

Ajo shtoi se të gjithë strukturat e tyre janë në mobilizim kundrejt evidentimit të rasteve me verdhëz dhe se aktualisht nuk ka asnjë shtim të rasteve.

LEXONI GJITHASHTU:

• ‘Shenjat e hepatitit të ngjashme me gripin’, mjekja: Kur duhet të kemi kujdes
• 2 dyshimet për shkakun e hepatitit që prek fëmijët nën 10 vjeç, sipas mjekut