Vetingu i politikanëve, Salianji: Kemi adresuar propozimet e ardhura nga Komisioni i Venecias

Deputeti i Partisë Demokratike, Ervin Salianji thotë se propozimi i opozitës për veting të politikanëve mbështetet mbi opinionin e Komisionit të Venecias.

Gjatë intervistës në emisionin “Now” të Erla Mëhillit, ai tha se nisma vjen e plotë këtë herë duke plotësuar shqetësimin e ngritur nga Venecia, organet që do të kryejnë procesin.

“Ajo që po propozojmë janë dispozita që janë marrë përgjithësisht nga përgjigja e Komisionit të Venecias 2018. Ka një diferencë në propozim nuk kishim adresuar strukturën që do të bënte vetingun. Tani po propozojmë një institucion (SPAK) për të cilin ne kemi skepticizmin dhe dyshimin tonë”, tha Salianji.

Deputeti i PD se nisma synon largimin nga jeta publike e politikanëve të korruptuar dhe që kanë lidhje me krimin e organizuar.

I pyetur nëse ekziston ndonjë marrëveshje mes PD dhe PS, ai tha se nuk ka pasur asnjë lloj kontakti.

“Nuk ka një marrëveshje të atij nivelit PD-PS. Është bërë marrëveshja si fjalë e pisët por nuk ka asnjë kontakt paraprak”, tha ai.

Sipas Salianjit vetingu në politikë realizohet në një kohë të shkurtër pasi bëhet fjalë për verifikimin e 140 deputetëve, 61 kryetar bashkishë si dhe drejtues të disa institucioneve të rëndësishme.

Ai tha se në Parlament ka politikanë që nuk flasin asnjëherë dhe janë përfaqësues të drejtpërdrejtë të grupeve kriminale.