VIDEO| Alma Arrazi me tre fëmijët nuk u hodhën nga ura, ç’tregojnë pamjet e fundit

Të tjera detaje kanë dalë mbi ngjarjen e rëndë të ndodhur në Shkodër, pasi Euronews Albania ka siguruar pamjet nga momentet e fundit të 39-vjeçares Alma Arrazi dhe 3 fëmijëve të saj, para se të mbyteshin në lumin Buna.

Pamjet janë kapur nga kamerat e bizneseve aty pranë, pas verifikimeve që po bën Policia dhe Prokuroria për zbardhjen e kësaj ngjarjeje.

Në njërën prej pamjeve duket momenti kur Alma me tre fëmijët ndahet nga kunata me fëmijën e saj, pasi dalin nga lokali ku kishin konsumuar një kafe rreth orës 20:09.

Zona ka qenë e populluar në të dy momentet që kanë fiksuar lëvizjet e Alma Arazit me 3 fëmijët.

Kunata e Almës, pasi qëndron në vend dhe shkëmben me Almën fjalët e fundit, nxjerr telefonin dhe duket sikur komunikon me dikë. Më pas ajo merr rrugën në kahun tjetër sëbashku me fëmijën.

Kamerat kanë fiksuar që ajo është drejtuar tek Ura e Re e Bunës në orën 20:21 të mbrëmjes.

Nga pamjet duket se ata nuk janë hedhur nga ura. Nëna i ka zbritur fëmijët poshtë Urës.

I ka marrë në anë të lumit dhe i ka shtyrë. Ky është një nga versionet më të qëndrueshme sipas grupit të hetimit.

LEXONI GJITHASHTU:

• Eksperti: Nuk përjashtohet që Alma Arrazi dhe fëmijët të jenë vrarë
• U mbytën në lumin Bunë, Alma Arrazi do të prehet në Durrës, fëmijët në Shkodër