VIDEO/ Ambasadori i SHBA-së: Izraeli ka “të drejtë biblike” mbi territore të gjera në Lindjen e Mesme

Ambasadori i Shteteve të Bashkuara në Izrael, Mike Huckabee, deklaroi se Izraeli ka një “të drejtë biblike” për territore të gjera në Lindjen e Mesme, duke shtuar se “do të ishte shumë mirë nëse do ta merrte të gjithën”.

Deklarata u bë gjatë një interviste në podcast me gazetarin amerikan Tucker Carlson, ku Huckabee mbrojti veprimet e Izraelit në Rripi i Gazës.

Gjatë bisedës, ambasadori iu referua konceptit biblik të territorit që shtrihet “nga Nili deri në Eufrat”, duke sugjeruar se Izraeli ka një të drejtë historike mbi këtë hapësirë. I pyetur nga Carlson se për cilat territore konkretisht po fliste, Huckabee u përgjigj: “Do të ishte shumë mirë nëse do ta merrnin të gjithën”, por shtoi se kjo nuk është domosdoshmërisht ajo që po diskutohet aktualisht.

Ai theksoi se Izraeli, në praktikë, i referohet territorit ku ekziston sot shteti dhe synon të jetojë në paqe, duke nënvizuar se nuk po përpiqet të marrë kontrollin e Jordanisë, Sirisë, Irakut apo vendeve të tjera, por të garantojë sigurinë e popullsisë së tij.

Deklaratat e Huckabee pritet të nxisin reagime, duke pasur parasysh ndjeshmërinë e çështjeve territoriale dhe konfliktin e vazhdueshëm në rajon.