VIDEO/ Arrestohet autori i 6 vjedhjeve në Tiranë, nuk i ruhej kamerave të sigurisë

Një 30 vjeçar nga Skrapari është arrestuar në Tiranë si i dyshuar për gjashtë vjedhje dhe 2 tentativa për vjedhje të ndodhura gjatë këtij muaji në kryeqytet.

Si rezultat i opercionit “April” pas hetimeve të kryera me qëllim zbardhjen e vjedhjeve të denoncuara nga qytetarë ose administratorë subjektesh, gjatë këtij muaji, u arrestua 30-vjeçari T. H., banues në Skrapar, i njohur për precedent të mëparshëm penal në fushën e vjedhjeve.

Vjedhjet janë dokumentuar edhe nëpërmjet kamerave të sigurisë, ku autori nuk tregonte kujdes apo përpjekje për t’u shmangur prej tyre.

Gjatë kontrollit, atij iu gjet dhe sekuestrua një celular i dyshuar i vjedhur ndërsa dyshohet se ky shtetas ka vjedhur 3 celularë dhe një shumë parash në 2 dyqane, 1 monopatinë, një market, si dhe ka tentuar të vjedhë në 2 subjekte të tjera.

Njoftimi i policisë

“Finalizohet nga Komisariati i Policisë Nr. 2, operacioni policor i koduar “April”.

Zbardhen 6 vjedhje/tentativa për vjedhje, të kryera gjatë këtij muaji.
Identifikohet dhe kapet autori i tyre, me precedent të theksuar për këtë krim.

Këtij shtetasi i gjendet dhe i sekuestrohet 1 celular, i dyshuar i vjedhur.

Si rezultat i hetimeve të kryera me qëllim zbardhjen e vjedhjeve të denoncuara nga qytetarë ose administratorë subjektesh, gjatë këtij muaji, shërbimet e Komisariatit të Policisë Nr. 2 finalizuan operacionin policor të koduar “April”.

Gjatë operacionit u vu në pranga shtetasi T. H., 30 vjeç, banues në Skrapar.

Nga hetimet dyshohet se ky shtetas ka vjedhur 3 celularë dhe një shumë parash në 2 dyqane, 1 monopatinë, një market, si dhe ka tentuar të vjedhë në 2 subjekte të tjera.

Punohet për të zbardhur vjedhje të tjera që mund të ketë kryer 30-vjeçari.

Materialet procedurale iu referuan Prokurorisë së Tiranës, për veprime të mëtejshme”, njofotn policia.

LEXONI GJITHASHTU:

• Ekskluzive | Vajza i akuzohet për vrasjen e ish-partnerit, flet mes lotësh e ëma
• “Jam e sëmurë”- Apeli i GJKKO rrëzon kërkesën për lirimin nga burgu të ish-gjyqtares