VIDEO | Asgjësohet kanabisi në fermën në Berat

Euronews Albania ka siguruar pamjet nga ferma me kanabis në Berat, në të cilën aktualisht po kryhet asgjësimi i lëndës narkotike.

Siç shihet nga pamjet, ferma është e rrethuar me perimetër sigurie dhe ka forca të policisë.

Deri më tani, 9 persona u arestuan dhe 105 të tjerë u shoqëruan. Rreth 95 prej tyre janë gra, por shumica e tyre jo banore të zonës.

Mësohet se ferma është në pronësi të shtetasit Xhimi Dyli, i cili po merret në pyetje nga policia për të bërë të mundur arrestimin e personave që ua kishte dhënë me qira, emrat e të cilëve nuk bëhen të ditur ende.

Ferma ishte marrë me qira dhe gratë që punonin në të flinin prej muajsh brenda serës me një sipërfaqe rreth 2 hektarësh, ku ishin përshtatur edhe ambiente fjetjeje me dyshek me ajër dhe dushe për t’u larë.

LEXONI GJITHASHTU

• EMRI| Zbulohet pronari i fermës me kanabis në Berat, në të ishin strehuar mbi 50 gra
• VIDEO| Sera me drogë në Berat, 50 gra të shoqëruara
• Detaje të reja nga ferma e kanabisit në Berat, shkon në 105 numri i të shoqëruarve