VIDEO/ Dalin pamjet e përplasjes së skafit në formë makine me mjetin e Policisë Kufitare në Ksamil

Këto janë pamjet e momentit tragjik të aksidentit detar të ndodhur në Gjirin e Ksamilit pasditen e së hënës, ku një mjet lundrues i drejtuar nga 22-vjeçari Albiano Kreçi është përplasur me një skaf të Policisë Kufitare të Sarandës.

Nga përplasja ka humbur jetën i riu, ndërsa një person tjerër ka mbetur i lënduar dhe është transportuar me urgjencë në Spitalin e Sarandës për të marrë ndihmë mjekësore.

Sipas informacioneve paraprake, viktima Kreçi, është banor i Ksamilit, ndërsa ka humbur jetën në mjetin lundrues në formë automjeti.

Menjëherë pas ngjarjes, në vendngjarje mbërritën forcat e policisë dhe shërbimet emergjente, ndërsa zona u rrethua për të mundësuar kryerjen e veprimeve hetimore.

Autoritetet po punojnë për zbardhjen e plotë të rrethanave të aksidentit dhe për përcaktimin e shkaqeve që çuan në këtë ngjarje të rëndë detare.