VIDEO| Eklipsi diellor, mijëra njerëz mblidhen për të parë pamjet e rralla

Një eklips total diellor po kalon Amerikën e Veriut, me turma të mëdha njerëzish që e pritën atë.

Euronews ka përcjellë pamjet teksa mijëra qytetarë të mbledhur kanë shijuar këtë moment të veçantë.

Eklipsi i plotë diellor pritet që së pari të shihet në tokë pranë Mazatlán, Meksikë përpara se të mund të shihet në jug të SHBA dhe në Kanada.

Një eklips total është kur Hëna kalon midis Diellit dhe Tokës, duke bllokuar dritën e diellit.

Në momentin e eklipsit të plotë, që do të ndodhë vetëm përgjatë një shtegu të ngushtë në të tre vendet, qielli errësohet deri në disa minuta.

Disa shikues do të jenë në gjendje të shohin koronën e Diellit ose atmosferën e jashtme e cila zakonisht fshihet nga drita e tij e ndritshme, sipas Administratës Kombëtare të Aeronautikës dhe Hapësirës së SHBA (NASA).

Por ata që presin të shohin fenomenin duhet të mbrojnë sytë pasi nuk është e sigurt të shikosh direkt Diellin.

LEXONI GJITHASHTU:

• Eklipsi diellor nga hapësira ndërsa lëviz mbi Paqësorin drejt Amerikës së Veriut
• Eklipsi i pjesshëm ka hyrë në Shtetet e Bashkuara