VIDEO/ Elon Musk shkakton polemika, bën përshëndetjen naziste në inaugurimin e Trump

Elon Musk u shfaq në një event të Capitol One Arena, duke festuar fitoren e Donald Trump dhe ambiciet e tij për Marsin. Gjatë aktivitetit, Musk falënderoi turmën dhe foli për të ardhmen.

“E ardhmja e qytetërimit është e siguruar”, tha Musk. Ai gjithashtu u shpreh i emocionuar për rezultatin e zgjedhjeve, duke thënë: “Kjo është ajo si duket fitorja”. Ai shtoi, “Zgjedhjet vijnë dhe shkojnë, por këto zgjedhje kishin vërtet rëndësi”. Duke iu drejtuar të pranishmëve, Musk tha: “Zemra ime është për ju”.

Musk diskutoi gjithashtu eksplorimin e hapësirës, ​​duke pyetur: “A mund ta imagjinoni se sa e mrekullueshme do të ishte kur astronautët amerikanë të çojnë flamujt amerikanë në një planet tjetër?”

Gjatë paraqitjes së tij, Musk bëri një gjest që ngjalli polemika në rrjetet sociale. Disa e interpretuan gjestin si një përshëndetje naziste, ndërsa të tjerë e mbrojtën atë si një gjest falënderimi.

LEXONI GJITHASHTU:

• Putin përgëzon Donald Trump për nisjen e mandatin e dytë
• Trump do të shpallë emergjencën kombëtare në kufirin SHBA-Meksikë