VIDEO| Fillimi i katastrofës në Valencia, uji përmbyti rrugët në pak sekonda

Pamjet dhe fotot nga disa vende në Spanjë, mbi të gjitha nga Valencia dhe rrethinat e saj, kanë marrë vëmendjen e rrjetit këto ditë.

Mbi 200 njerëz kanë humbur jetën në përmbytjet e shkaktuara nga reshjet e dendura të shiut dhe disa pjesë të qytetit dhe rrethinave të tij nuk i ngjajnë më vendit ku jetonin dikur njerëzit.

Në rrjetet sociale është publikuar edhe një video nga Paiporta, komunë që gjendet në provincën e Valencias.

Në video shfaqen vetura që ende lëvizin në rrugë, por shumë shpejt pas kësaj, një sasi e madhe uji fillon të vërshojë rrugët, duke i detyruar shoferët të ndalojnë.

Në vetëm pak sekonda, rrugët u zhytën plotësisht në ujin me baltë dhe disa mbetje filluan të lundronin.

Që atëherë banorët e zonës nisën të iknin dhe në sfond dëgjoheshin sirenat e shërbimeve të ndryshme të shpëtimit.

LEXONI GJITHASHTU:

• Pas katër ditësh bllokimi, ekipi i Kosovës largohet nga Valencia
• Të bllokuar në makina e garazhe: Pse përmbytjet e Valencias rezultuan me kaq vdekje