VIDEO/ Gazetari italian pushohet nga puna për pyetjen që i bëri KE-së për Gazën

Gazetari i Agjencisë Italiane të Lajmeve “Nova”, Gabriele Nunziati humbi punën pas pyetjes që bëri ndaj zëdhënësve të Komisionit Evropian, KE, lidhur me Gazën.

Në konferencën për mediat më 13 tetor në Bruksel, gazetari italian Gabriele Nunziati u drejtoi zëdhënësve të KE-së pyetjen:

“Ju keni përsëritur vazhdimisht se Rusia duhet të paguajë kompensim për rindërtimin e Ukrainës. A besoni se Izraeli, i cili shkatërroi pothuajse të gjithë Rripin e Gazës dhe infrastrukturën civile, duhet të paguajë kompensim për rindërtimin e Gazës?”.

Kryezëdhënësja, Paula Pinho, iu përgjigj pyetjes duke thënë: “Është sigurisht një pyetje interesante dhe nuk do të bëj ndonjë koment në këtë fazë”.

Pas kësaj, Gazetari i Agjencisë Italiane të Lajmeve “Nova”, Gabriele Nunziati humbi punën pas pyetjes që bëri.

Këtë lajm, e bëri të ditur anëtari italian i Grupit të Majtë të Parlamentit Evropian, PE, Gaetano Pedulla, i cili njoftoi shkarkimin e Nunziatit disa ditë pas pyetjes.

Rasiti i Gabriele Nunziati ka nxitur debat në mbarë Evropën për lirinë e  shtypit, presionet ndaj gazetarëve si dhe standartet e dyfishta të institucioneve ndaj konflikteve ndërkombëtare.

Pas kësaj ngjarjeje, gazetarët në sallën e shtypit të Komisionit Evropian u solidarizuan me rastin e gazetarit italian, Gabriele Nunziato, duke e konsideruar pushimin e tij nga puna si çështje që lidhet drejtpërsëdrejti me lirinë e shtypit në Evropë.

 

View this post on Instagram

 

A post shared by Euronews Albania (@euronews_albania)

LEXONI GJITHASHTU:

• Netanyahu takohet me dhëndrin e Trump, Jared Kushner për situatën në Gaza
• Në fokus armëpushimi në Gaza, Macron pret nesër në Paris Mahmoud Abbas