Një 42 vjeçar është vënë në pranga këtë të hënë në Korçë pasi dyshohet se ka vjedhur me dhunë shuma parash në dy dyqane, në njërin rast, duke kanosur shitësin, me mjet prerës thikë.
Sipas njoftimit të Policisë, mësohet se shtetasi Rudolf Laloti, 42 vjeç dyshohet se më datë 12.10.2024, në lagjen nr. 1, Korçë, ka vjedhur një shumë parash në një dyqan, duke kanosur shitësin, me mjet prerës (thikë), ndërsa më datë 14.10.2024, pas mesnate, në lagjen nr. 7, Korçë, ka vjedhur me dhunë një shumë parash në një dyqan tjetër.
Pas arrestimit të tij, Policia ka sekuestruar një shumë parash e dyshuar e vjedhur, një mjet prerës (thikë), një përforcues grushti, një kapuç si maskë dhe veshjet që dyshohet se ka patur 42-vjeçari, gjatë vjedhjeve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprën penale “Vjedhja me dhunë”.
LEXONI GJITHASHTU:
- Kanosi një shtetase që t’i dërgonte foto intime, ekstradohet nga Italia 33-vjeçari
- Vlorë| Kanosi gruan me kallashnikov dhe u arratis, në pranga 48 vjeçari
