VIDEO/ Komedianët rusë pretendojnë se futën në rreng Kurtin, publikojnë bisedën

Dy komedianë rusë kanë publikuar një video që pretendojnë se e kanë realizuar me kryeministrin e Kosovës, Albin Kurti, duke iu paraqitur atij si presidenti i Letonisë, Edgar Rinkevics.

Në video trajtohen tema si zgjedhjet në Kosovë, për dialogu me Serbinë, emisarin amerikan, Richard Grenell, e çështje të tjera.

Ata e kanë publikuar këtë material në llogarinë e tyre në “X”, ku biseda fillon me një urim për fitoren e Kurtit në zgjedhje, derisa kryeministri dëgjohet duke u ankuar për “luftë hibride” kundër qeverisë së tij, përmend dhe partitë opozitare dhe për oligarkët.

Në këtë video, që komedianët pretendojnë që është  autentike, Kurti flet edhe për emisarin amerikan, Richard Grenell.

Kryeministri ndër të tjera tregon dhe shtetet prej të cilave Kosova është duke blerë armatim dhe që Kosova do të ndërtojë dhe fabrikën e prodhimit të armatimit.

Për sulmin në Ibër-Lepenc, thotë se prapa janë Serbia dhe Rusia.Mes tjerash, flet për protestat në Serbi kundër Vuçiqit dhe kritikon perëndimorët, SHBA-në dhe BE-në, që s’janë duke i përkrahur mjaftueshëm ato.

Gjithashtu Kurti flet edhe për Milan Radojicicin duke treguar se ai gjendet në Begorad.

Vladrimir Kuznetsov dhe Alexei Stolyraov që njihen edhe si Vovan dhe Lexus më herët u kanë bërë rrengje edhe politikanëve të tjerë nëpër shtete të ndryshme.

Siç raporton “The Independent”, të dy kanë mashtruar kryeministrin irlandez, Leo Vardakar, politikanin britanik, Boris Johnson, atë amerikan, Bernie Sanders, ish-kryeministrin kanadez, Justin Turedau, e shumë emra të tjerë.

LEXONI GJITHASHTU:

• Kurti premton mbi 1 miliard euro buxhet për ushtrinë
• Kur duhet të japin dorëheqje anëtarët e qeverisë Kurti?