VIDEO-LIVE| Berisha marshon drejt Kryeministrisë, nis protesta e PD

Kreu i Partisë Demokratike, Sali Berisha i shoqëruar nga eksponentë të PD dhe mbështetës të kësaj partie kanë nisur marshimin drejt sheshit para Kryeministrisë, aty ku do t’i bashkohet protestuesve të tjerë demokratë.

Gazetari Ardit Hoxha raportoi se në listën e personave që pritet të mbajnë një fjali në protestën e PD veç Berisha dhe Meta, që pritet t’u drejtohet protestuesve përmes një mesazhi zanor, do të mbajnë një fjalim edhe Agron Duka, Fatmir Mediu dhe 2 përfaqësues të FRD.

Autoritetet kanë marrë masa të rrepta sigurie për mbarëvajtjen e protestës. Forca të shumta policore janë vendosur përreth Kryeministrisë, por edhe në institucione të tjera kyçe si Ministria e Brendshme, Bashkia e Tiranës dhe Kuvendi i Shqipërisë, të cilat në të kaluarën kanë qenë objektiva të protestave të dhunshme.

Raportohet se efektivët e policisë janë të pajisur me maska kundër-gaz, për t’u përgatitur ndaj çdo skenari të mundshëm.

LEXONI GJITHASHTU:

• Nis grumbullimi për protestën e PD, policia masa të rrepta sigurie
• Protesta e opozitës: Blindohet kryeministria, efektivët rrethojnë dhe parlamentin