VIDEO| Me flamuj dhe borie, autokolona e simpatizantëve të PD-së mbërrin në Tiranë

Një autokolonë me simpatizantë të Partisë Demokratike nga zona të ndryshme të vendit është nisur drejt Tiranës për t’ju bashkuar protestës së opozitës përpara Kryeministrisë.

Makinat shihen ndërsa ecin në rresht dhe persona të ndryshëm mbajnë flamuj të PD-së dhe Shteteve të Bashkuara të Amerikës nga xhamat.

Në video dëgjohen boritë të cilat bien pa pushim përgjatë gjithë rrugëtimit.

Sot pritet të jepet vendimi për “vulën” e partisë më të madhe opozitare. Gjykata e Apelit pritet të vendosë nëse PD zyrtare do të jetë në “duart” e Enkelejd Alibeajt apo Sali Berishës.

Po sot ish kryeministri ka thirrur protestë kombëtare por sipas tij nuk ka të bëjë me vendimin e gjykatës por me rrëzimin e qeverisë Rama. Protesta do të nisë në orën 12:00,  ndërsa rrugët do të bllokohen nga ora 10:00 deri në fund të tubimit.

LEXONI GJITHASHTU:

• “Mesazhi për Gjykatën”, Hajdari: PD nuk është pronë private, vendos populli për të
• Protesta| Rama në zyrë, 1200 policë blindojnë Kryeministrinë dhe gjykatën