VIDEO| Me motive nga Ballkani, grupet folklorike gati për pritjen e liderëve të BE

Ditën e sotme në Tiranë, do të mbahet për herë të parë Samiti i Procesit të Berlinit.

Në kuadër të kësaj ngjarje me rëndësi për Shqipërinë, grupe kërcimtarësh me motive nga Ballkani janë bërë gati për të performuar.

Në videon e siguruar nga Euronews Albania të rinjtë në bulevardin “Dëshmorët e Kombit”  shihen të veshur me kostume me motive popullore, karakteristike të secilit vend të Ballkanit.

Kjo performancë do të prezantojë Europën me një pjesë tradicionale të rajonit të Ballkanit e cila përfaqëson denjësisht kulturën e traditën.

Përfaqësuesit më të rëndësishëm të Bashkimit Europian, si dhe liderët e vendeve të Ballkanit Perëndimor do të marrin sot pjesë në këtë samit, i cili për herë të parë zhvillohet jashtë kufijve të BE-së dhe organizimi i është besuar qeverisë shqiptare.

Kujtojmë se presidenti francez Emmanuel Macron shtyu pjesëmarrjen në samit për të mbërritur në Tiranë ditën e sotme. Ndërkaq, burime bëjnë me dije se në takim do të mungojë kryeministrja e Italisë Giorgia Meloni, e cila do të përfaqësohet nga zv.kryeministri, Antonio Tajani.

LEXONI GJITHASHTU:

• Meloni mungon në Samitin e Procesit të Berlinit, përfaqësohet nga zv. kryeministri
• Mbahet sot në Tiranë Samiti i Procesit të Berlinit, të pranishëm liderët e Ballkanit