VIDEO| Shefat e Rrugores në Policinë e Tiranës pas komunikimit të urdhër-arrestit

Ky është momenti kur shefi i qarkullimit rrugor të Tiranës, Roven Zeka dhe ai i sektorit të aksidenteve Sokol Novaku, kanë mbërritur në Drejtorinë Vendore të Policisë së Tiranës pas komunikimit të urdhër-arrestit.

SPAK lëshoi sot urdhër-arrest për shefin e qarkullimit rrugor të Tiranës, Roven Zeka, Sokol Novakun, shef i Sektorit të Aksidenteve në Policinë Rrugore dhe Edison Tabakun, oficer i Policisë Gjyqësore.

Mësohet se tre zyrtarët e Policisë Rrugore të Tiranës, dyshohet se janë përfshirë në një rast korrupsioni, se i kanë marrë para një gruaje për një aksident.

Agjencia e Mbikëqyrjes Policore dhe Byroja Kombëtare e Hetimit kanë shkuar të ekzekutojnë urdhrin e arrestit për Roven Zekën.

Ky i fundit nuk ka pranuar një vendim të tillë dhe ka tentuar të arratiset me vrap. Në këtë moment, Zeka është ndaluar nga agjentët e AMP.

LEXONI GJITHASHTU:

• AMP dhe BKH do ekzekutonin urdhër-arrestin, shefi i qarkullimit tentoi të largohej
• SPAK lëshon urdhër-arrest për shefin e qarkullimit rrugor të Tiranës