VIDEO| Shpërthim i fuqishëm në kryeqytetin e Republikës Domenikane, 11 viktima

Të paktën 11 persona kanë vdekur në një shpërthim që tronditi qytetin e vogël të San Cristóbal, në Republikën Domenikane, të hënën.

Zyrtarët thanë se kanë identifikuar eshtrat e 10 të rriturve dhe një foshnje katër muajshe, por paralajmëruan se “ka ende shumë kufoma” që mund të gjenden.

Nuk dihet ende se çfarë e shkaktoi shpërthimin në zonën tregtare të qytetit.

Tymi nga shpërthimi dhe zjarret që ai ndezi mund të shiheshin duke përhapur mbi qytet për shumë orë më pas.

Dhjetë persona janë ende të zhdukur. “Ne po bëjmë gjithçka që është e mundur nga ana njerëzore për t’i gjetur ata”, tha presidenti Luis Abinader, i cili vizitoi vendin e shpërthimit të martën.

Dhjetëra persona u plagosën dhe shumë prej tyre mbeten në spital.

Qindra zjarrfikës janë ende duke u përpjekur për të shuar flakët në katër nga nëntë ndërtesat të cilat morën flakë.

Shkaku i saktë i shpërthimit nuk është përcaktuar ende.

Ndër ndërtesat e shkatërruara janë një dyqan elektronike, një klinikë veterinare dhe një fabrikë plastike.