VIDEO| Stadiumi ‘pushtohet’ nga ngjyrat kuq e zi, pamjet para sfidës Shqipëri-Itali

Tifozët shqiptarë kanë nisur të hyjnë në stadiumin në Dortmund, përpara ndeshjes së Kombëtares me skuadrën Italiane, në kuadër të Euro 2024.

Nga pamjet e siguruara nga Euronews Albania shihen mijëra tifozë brenda stadiumit, për të mbështetur ekipin e tyre të zemrës.

Ata janë të pajisur me flamuj kuq e zi, me bluza me ngjyra të flamurit e me plisa në kokë dhe dëgjohen teksa këndojnë këngë patriotike.

Sipas përllogaritjeve edhe nga mediat e huaja, përllogaritet që të jenë rreth 50 mijë tifozë shqiptarë për të parë ndeshjen me Italinë, një shifër tepër e lartë në krahasim me numrin e përgjithshëm të vendeve në stadium.

Shqipëria në këtë fazë pritet të luajë 3 ndeshja, ku e para do të luhet sot me Italinë, me të cilën Kombëtarja do të kërkojë një rezultat pozitiv.

Kujtojmë se ecuria e Kombëtares shqiptare në këtë kompeticion ka qenë e mirë, ku në fazën e grupeve u rendit e para në grupin e vetë.