VIDEO| Sulmohet me armë ndërtesa e modeles shqiptare, ajo fshihet në dollap

Ndërtesa në të cilën banon modelja shqiptare në New York, Xhesika Berberi, është sulmuar me armë.

Lajmin e ka bërë publik vetë modelja përmes një postimi në rrjete sociale, ku ka publikuar një video teksa fshihet në dollapin e rrobave.

Modelja deklaron në video se agresori ndodhet ende në ndërtesë i armatosur dhe ndaj i duhet të fshihet deri në neutralizimin e tij nga ana e policisë.

“Po fshihem në dollapin e rrobave pasi dikush ka qëlluar ndërtesën ku unë jetoj dhe ai po fshihet ende në ndërtesë me një armë në dorë. Po dëgjoj shumë helikoptere jashtë. Është shumë e frikshme”, thotë modelja në video.

Përmes një postimi të dytë modelja, pohon se ajo ndodhet e sigurt pas evakuimit të saj nga policia.

LEXO GJITHASHTU:

• “Modelja” 106-vjeçare merr vëmendjen botërore, pozon për kopertinën e Vogue
• Roberto Cavalli bëhet baba për herë të 6-të me modelen 37-vjeçare