Vidhet argjendaria në Korçë, grabitësit thyejnë xhamin dhe mesyjnë brenda

Vidhet gjatë natës një argjendari në pedonalen e qytetit të Korçës.

Sipas policisë lokale autorët së pari kanë thyer xhamin e këtij dyqani e më pas kanë hapur qepenën duke hyrë brenda. Të njëjtat burime thanë se autorët kanë arritur të marrin sasi jo të vogël të sendeve me vlerë si unaza, ora dhe varëse floriri.

Policia ka sekuestruar disa pamje filmike nga kamerat e sigurisë të objekteve përgjatë pedonales, por deri tani nuk ka arritur të shkojë tek autori apo autorët të cilët kanë kryer grabitjen.

Ky nuk është rasti i parë që në qendër të Korçës kryen vjedhje të dyqaneve të floririt. Kohë më parë po në pedonale janë vjedhur dy dyqane të sendeve me vlerë. Policia në asnjë rast nuk ka shkuar tek autorët.

LEXONI GJITHASHTU:

• Vidhet karburanti në Tiranë, pamjet kur persona me kapuç kërcënojnë punonjësin
• Grabitje me armë zjarri në Kosovë, plagoset një efektiv policie