Vidhet Konizma e Kishës së Shën Sotirit, jo hera e parë

Për të disatën herë Konizma e Kishës së Shën Sotirit është vjedhur. Ngjarja ka ndodhur në orët e para të mëngjesit të së martës në bulevardin Republika të qytetit të Korçës.

Policia nuk i ka identifikuar ende personat që kanë hapur me forcë arkën e dhurimeve financiare të besimtarëve.

Policia ka sekuestruar pamjet e një prej kamerave të bizneseve ngjitur me Konizmën e Kishës, ashtu siç ka sekuestruar pamjet e kamerave të sigurisë të bizneseve të tjera përreth si dhe të Zyrës Rajonale të Punësimit, e cila ndodhet përballë vendit të ngjarjes.

Është e disata herë që ky objekt kulti grabitet nga persona të ndryshëm dhe vetëm një herë policia ka shkuar tek autorët e grabitjes.

LEXONI GJITHASHTU:

• SKEMA| Si vidheshin pronat e bregdetit nga zyrtarët përmes falsifikimit
• Berisha: Parlamenti problem për vendin, shqiptarët vidhen me bordet komuniste