Berisha: Parlamenti problem për vendin, shqiptarët vidhen me bordet komuniste

Kryetari i Partisë Demokratike, Sali Berisha deklaroi në ditën e parë të sesionit të ri parlamentar, se ky institucion është shndërruar në problem madhor për vendin.

Në një deklaratë për mediat jashtë ambienteve të parlamentit, Berisha u shpreh se parlamenti po mbështet regjimin e kryeministrit Edi Rama.

Sipas tij, qytetarët shqiptarë po vidhen bordet e ngritura nga qeveria, të cilat i konsideron komuniste.

“Ky parlament nuk ka asnjë vendim, asnjë nen dhe asnjë ligj për të mbështetur shqiptarët në nevojë në këtë periudhë që po vidhen në mënyrë të tmerrshme duke shfrytëzuar edhe rritjen e çmimeve me bordet komuniste të Edi Ramës.

Parlamenti është shndërruar në një problem madhor për vendin, sepse është shndërruar në një mbështetje të një regjimi që mashtron me gjithçka dhe vjedh në çdo vendim qytetarët shqiptarë. Dënoj me përçmim këtë program dhe kalendar të parlamentit, vetëm për protektoratet e krimit”, theksoi kryedemokrati.

LEXONI GJITHASHTU

• ‘Qeverisja ka nevojë për oponencë’, Bajram Begaj mesazh deputetëve

• Bumçi: PD u ringrit nga një projekt për ta shkatërruar, ofrojmë shpresë për vendin

• Hajdari: Kam kritikuar Berishën, por duhet respektuar vullneti i anëtarësisë