Vidhte para nga kasafortat e bizneseve, arrestohet 57-vjeçari në Tiranë

Komisariati i Policisë Nr. 2 dhe Nr. 3 kanë finalizuar operacionin policor “Safe Box”, ku është arrestuar 57-vjeçari Roland Hyka, i dënuar më parë për vjedhje.

Ai akuzohet për vjedhjen e shumave të mëdha parash nga kasafortat e bizneseve dhe banesave, gjatë muajve të fundit.

Nga hetimet, u zbardhën 5 raste vjedhjesh të kryera nga Roland Hyka, ku ai ka vjedhur para të konsiderueshme, më konkretisht:

• 1200 euro nga kasaforta e një biznesi në rrugën “Abdyl Frashëri” më 16 shkurt 2025.
• 300,000 lekë nga kasaforta e një subjekti në rrugën “Reshit Çollaku” më 2 shkurt 2025.
• 370,800 lekë nga kasaforta e zyrës së një kompanie më 13 dhjetor 2024.
• Një shumë të konsiderueshme parash në një banesë në Rrugën e Dafinave më 10 nëntor 2024.
• Një shumë parash në zyrat e një kompanie në rrugën “Abdyl Frashëri” më 19 shtator 2024.

Gjatë kontrollit në banesën e 57-vjeçarit, policia gjeti dhe sekuestroi disa nga sendet e forta që ai dyshohet se ka përdorur për hapjen e kasafortave.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• Autor i dy vjedhjesh me dhunë në Elbasan, vihet në pranga 20-vjeçari
• Vodhi 12 automjete për 48 orë, arrestohet 29-vjeçari në Tiranë