Vizatimi gjigand i një maceje zbulohet në një kodër në Peru

Arkeologët në Peru kanë zbuluar një vizatim gjigant të një maceje në një kodër në Nazca. Ata po kryenin mirëmbajtjen në zonës gjatë pandemisë së coronavirusit.

Skica të tilla gjigante zakonisht janë bërë me gurë dhe njihen si gjeoglifë. Forma e maces pothuajse ishte fshirë plotësisht para se të zbulohej.

“Epo, një nga gjërat që vazhdon të befasojë dhe që shumë pyesin, është se si ne ende gjejmë gjeoglifë të rinj”, shpjegoi Johny Isla, drejtori i Planit të Menaxhimit Nazca-Palpa në Ministrinë e Kulturës.

“Dhe në fakt, ka të reja dhe ne do të vazhdojmë të gjejmë më shumë. Kjo është përmirësuar shumë vitet e fundit me përdorimin e teknologjisë moderne.

Më parë kishim fotografi ajrore ose fotografi nga aeroplanët, por tani kemi fotografi që mund të jenë të marra me dronë në lartësi shumë të ulëta dhe kjo na ndihmon shumë ”, shpjegon ai.

Skica është e gjatë 37 metra, e parë horizontalisht dhe daton nga një kohë para figurave të famshme të Pampa de Nazca.

Struktura të tilla zakonisht janë të dukshme vetëm nga qielli ose nga një distancë e madhe.