Vizita e ministrit të jashtëm grek Dendias në Tiranë shoqërohet me protesta nga çamët

Ministri i jashtëm grek, Nikos Dendias e nisi vizitën e tij zyrtare në Tiranë mes thirrjeve “turp, turp” të një grupi protestues të thirrur nga PDIU dhe shoqata Çamëria.

Diplomati grek e ka zhvilluar takimin e parë me ministrin e jashtëm në detyrë, Gent Cakaj, ndërsa më pas do të takohet me kryeministrin Edi Rama, presidentin Ilir Meta, si dhe kreun e Opozitës, Lulzim Basha, si dhe kryetarin e PBDNJ, Vangjel Dule.

Çështja e kufirit detar me Greqinë, është tema e nxehtë, që pritet të diskutohet sot gjatë takimeve që ministri i Jashtëm grek, Nikos Dendias do të diskutojë me krerë të shtetit dhe të politikës në Tiranë.

Protestuesit u përplasën me policinë jashtë ambienteve të Ministrisë së Jashtme, pasi lideri i PDIU, Shpëtim Idrizi lajmëroi se do ta vazhdonin protestën pavarësisht se kërkesa e tyre për tubim ishte refuzuar për shkak të COVID-19. 

Ai akuzoi ministrin grek Dendias se zgjodhi kohën e COVID për të vazhduar presionin grek ndaj 12 miljeve detare që Greqia pretendon, ndërsa tha se kryeministri shqiptar Edi Rama ishte bërë një “kal Troje i Greqisë”.

Lajmi në përditësim…

Lexoni gjithashtu:

PDIU përplaset me policinë jashtë ministrisë së Jashtme në protestë kundër vizitës së Dendias në Shqipëri